दत्ता धर्माधिकारी यांनी दिग्दर्शित केलेला 'वैशाख वणवा' (१९६४).

आठवणींच्या हिंदोळ्यावर..!

- मनोज कुलकर्णी

उन्हाची प्रचंड झळ पोहोचवणारा वैशाख महिना सुरु झाला..आणि यातही आल्हाददायक वाऱ्याची झुळूक यावी तसे 'वैशाख वणवा' (१९६४) याच नावाच्या अभिजात मराठी चित्रपटातील गाणे आठवले...

"गोमू माहेराला जाते हो नाखवा..  
तिच्या घोवाला कोकण दाखवा..!"

'वैशाख वणवा' (१९६४) तील "गोमू माहेराला जाते.." गाण्याचा प्रसंग!

कविश्रेष्ठ ग. दि. माडगूळकरांनी लिहिलेले हे गीत डी.डी. म्हणजेच दत्ता डावजेकर यांनी सुमधूर संगीतबद्ध केले होते आणि गोव्याच्या खास लहेज्यात पं. जितेंद्र अभिषेकी यांनी गायले होते!

संगीतकार दत्ता डावजेकर.

पन्नास वर्षांपूर्वी संवेदनशील चित्रपटकर्ते दत्ता धर्माधिकारी यांनी दिग्दर्शित केलेल्या ह्या चित्रपटात रमेश देव, जयश्री गडकर आणि जीवनकला यांच्या प्रमुख भूमिका होत्या. नव्या जोडप्याला नावेतून कोकणाकडे घेऊन जाताना नावाडी यात हे गातात!

गायक पं. जितेंद्र अभिषेकी.

हे निरागस प्रेम नि जिव्हाळा याची प्रचिती देते!

 तर हे 'वैशाख वणवा' चित्र मात्र आल्हाददायी!


- मनोज कुलकर्णी
['चित्रसृष्टी', पुणे]